ಮೇಘ ಮಾಯೆ

ಓ ಮೇಘವೇ ನೀ ಏಕೆ ಹೀಗೆ ಓಡುವೆ ?
ಈ ಪಾಪಿಯ ಹಾಗೆ ಸತಾಯಿಸುವೆ !
ಬಿಸಿಲೆದುರು ಕಣ್ಣಾ ಮುಚ್ಚಾಲೆ ಆಡುವೆ
ಶಾಖಕೆ ಹೊದಿಕೆಯಾಗಿ ನೆರಳಾಗುವೆ

ನಾಲ್ಕು ಹನಿ ಹನಿದು ಕಾಣೆಯಾದೆ
ನನ್ನಲಿ ಕೋಪವೇಕೆಂದು ವಿವರಿಸದೆ
ಬಳಿ ಬಂದು ಚೂರು ವಿಚಾರಿಸು
ನಗು-ನಗುತಾ ನಿಧಾನದಿ ಸಂಚರಿಸು !

ಮಳೆಯಾಗಿ ಖುಷಿಯಾಗಿ ಸುರಿವೆಯಾ
ಈ ಜನರ ನೋಡಿ ದುಃಖದಿ ಕಣ್ಣೀರೆ !?
ಮಳೆ ಬಂದರೆ ಕೊಳಚೆ ಆಗುವ ಚಿಂತೆ
ಮಳೆ ಬರದಿರೆ ಸುಮ್ಮನೇ ಅಂತೆ - ಕಂತೆ !

ಈ ಜಗದ ಜನರು ಹುಡುಕುವರು ಕೊಂಕು
ಬಾಗಿದರೆ ಹೊಡೆವರು, ಮತ್ತೆ ಹೊಡೆವರು
ಎದುರಿಸು ತಿಳಿ ಹೇಳು, ಕೇಳದಿರೆ ನಡೆ
ಸಮಯ ಕಡಿಮೆಯಿದೆ ನಿನ್ನ ಗುರಿ ಸಾಧಿಸು....

ಸಚಿನ್ ಕೃಷ್ಣ ಭಟ್
ಬದಿಕೋಡಿ