ಕನಸಿನ ಅರಮನೆ

ಮನದಲ್ಲಿ ನೋವು ತುಂಬಿದಾಗ 

ನಾನು ಮೆಲ್ಲನೆ ಹೊರಟು ಹೋಗುವೆ 

ಮನದಾಳದ ನನ್ನ ಕನಸಿನ ಅರಮನೆಗೆ 

ಅನ್ಯರಿಗೆ ಪ್ರವೇಶವಿಲ್ಲ ಅಲ್ಲಿಗೆ ।।೧।।

ಆ ಮನೆಯಲ್ಲಿ ನೋವಿಲ್ಲ, ಅಳುವಿಲ್ಲ 

ಕಷ್ಟ-ನಷ್ಟಗಳಿಲ್ಲ, ರೋಗ-ರುಜಿನಗಳಿಲ್ಲ 

ಸಂಭ್ರಮ ಸಡಗರವೇ ತುಂಬಿರುವುದು ಅಲ್ಲೆಲ್ಲಾ!

ತಂಗಾಳಿ ಬೀಸುತಿರುವುದು ಸುತ್ತೆಲ್ಲಾ ।।೨।।

ಆ ಮನೆಯಲ್ಲಿ ನಾ ನಾಯಕಿಯಾಗುವೆ 

ಗಾಯಕಿಯಾಗುವೆ, ಹಾಡುತ್ತಾ... ಮೈಮರೆವೆ 

ಹಾಡುವ ಹಕ್ಕಿಯಾಗುವೆ, ಮಿನುಗುವ ಚುಕ್ಕಿಯಾಗುವೆ 

ಅರಳಿದ ಹೂಗಳ ಪರಿಮಳವೇ ನಾನಾಗುವೆ ।।೩।।

ಆ ಸುಖದ ಅರಮನೆಯಿಂದ ಹೊರಬರಲು 

ಬಲು ಬೇಸರವಾಗುವುದು ಎನ್ನ ಮನಕೆ... 

ಆದರೋ... ಬರಲೇ ಬೇಕು ವಾಸ್ತವಕೆ

ಚಿಂತಿಸಿಲೇ ಬೇಕು ನಾಳಿನ ಭವಿಷ್ಯಕೆ ।।೪।।

 

- ಅರುಣಾ